Mæruskel (Cyamium minutum)
Útlit
Gulleit eða brúnleit nokkuð kúpt skel. Óreglulegar lengdarrákir, nefið er áberandi og vel framan við miðju. Lítil skel, oft um 3 mm að lengd.
Fæða og æxlun
Síari, tekur fæðu úr sjónum sem streymir í gegnum lífveruna. Ytri frjóvgun, lirfa þroskast fljótlega eftir frjóvgun, lirfan leitar uppi hentugt búsvæði og sest þar að og þroskast í skeldýr.
Útbreiðsla
Lifir í grýttum fjörum og situr gjarnan föst á þörungum, stundum mjög margar saman. Fundin víða í kringum landið en er algengust við vestanvert Ísland. Strandsvæði umhverfis norðurpólinn, með Atlantshafströnd Evrópu, við NA-Kyrrahaf frá Alaska suður til Kaliforníu og austan megin suður til Massachusetts.
Of smá til að hægt sé að nytja hana.