Blálilja (Mertensia maritima)
Lýsing
Blálilja er af munablómaætt. Hún er lágvaxin, 10-35 cm og skriðul, blöðin eru stinn og ljósblá. Blómin eru 5–10 mm í þvermál, heiðblá. Krónan bjöllulaga, fimmdeild. Blómhnappar rauðir áður en þeir springa út.
Engar plöntur líkjast blálilju. Þar sem hún vex setur hún mikinn svip á fjöruna.
Útbreiðsla
Eindregin fjöruplanta, vex í sand- og malarfjörum allt í kringum land.
Nytjar
Blálilja var brúkuð sem lækningajurt. Það þótti ágætur matur að stappa ræturnar og sjóða í mjólk. Undanfarið hefur vegur laufanna vaxið sem matjurtar og ganga þau undir heitinu ostrulauf, enda þykja þau minna á ostrur.