Rauðþörungar (fylking Rhodophyta)

Plöntur þessar eru algengar víða í sjó en frekar sjaldgæfir í ferskvatni, rauðþörungar sem þar lifa eru suðlægir í útbreiðslu og lifa í hlýjum slóðum.  Einhverjir rauðþörungar eru einfruma lífverur en flestir þeirra eru fjölfruma sjávarþörungar.  Margir eru þangtegundir og sumar þeirra er að finna í verulegu mæli í fjörunni.  Það er ýmislegt sem skilur rauðþörunga frá öðrum þörungum, en það helsta sem þar kemur við sögu eru önnur litarefni, sem að hluta er ekki að finna í öðrum þörungum, svokölluð phycobilin sem gefa rauðþörungunum lit sinn.  Frumuveggir innihalda beðmi (sellulósa), gelan (slímkenndar sykrur) ásamt agar og karrageenan.  Síðasttöldu efnin hafa mikla þýðingu í rannsóknum og matvælaiðnaði.  Sæðisfrumur rauðþörunga eru ekki með svipu og þurfa því að berast með straumum að kvenkyns æxlunarfærum.

Rauðþörungar er nokkuð tegundaauðugur hópur á heimsvísu og um 7.000 tegundum hefur verið lýst,  um 5% þeirra eru ferskvatnstegundir.  Á Íslandi hafa í verið skráðar fimm tegundir sem lifa í ferskvatni en rauðþörungar sem hér lifa eru flestar sjávartegundir eða tæplega 90 talsins.